陳奕迅完成巡唱預備放假　《空城記》MV再跟余靜萍合作

陳奕迅《Fear and Dreams 世界巡迴演唱會》由2022年於香港啟動，跑過了72場，經過美加、東南亞及內地14個不同城市，下周完成廈門站6場便可以放一個農曆年長假，假後才再繼續開始巡演。

昨晚廣州最後一場，Eason安歌又再唱《空城記》，對這首慢歌，他直言有很深感情，「呢首歌係要慢慢聽，聽多一百幾十次，你先感覺到歌之韻味。」

Eason 2001 年《反正是我》 專輯封面跟小余合作過後，之後一直都未有機會再合作，「今次拍空城記MV，係我有一日係日本聽住首歌，望住個海岸線，突然間諗起佢，所以就馬上搵佢合作，都等左好耐，因為佢依家已經係大忙人，哈哈。」

▲ 下周完成廈門站

他稱：「佢係一個好有心的導演。咁耐冇見，再重聚大家都好開心，佢以前可以為一個鏡頭訓喺馬路中心，依家都一樣， 個鏡頭剩係拍住隻手，佢都問係咪落咗情感同戲，對住佢我都唔會渣流灘，MV入面我隻手都有戲架，哈哈，大家睇下，係咪感覺到。」

最新影片推介：詹天文專訪